Lea-Artibai eta Mutriku

Beteranoen III. Esku Pilota Txapelketan, lekeitiarrak nagusi

Mendexa Aurten finala maila bitan banatuta egon da; partida bietan, markagailua parekatuta joan da azken unera arte.

a. alkorta

Joan den domekan jokatu ziren Mendexako Beteranoen III. Esku Pilota Txapelketako finaletan lekeitiarrak garaile atera ziren. Txapelketa maila bitan banatuta egon da aurten; ondorioz, final bi jokatu zituzten domekan. Bigarren mailako finalean Gereñu eta Arratek osatutako bikote lekeitiarra izan zen garaile, eta lehen mailakoan Lekeitioko Izarrak eta Ermuko Urkok irabazi zuten.

«Emozioz betetakoak». Horrela deskribatu dituzte antolatzaileek domekan jokatutako partidak . Izan ere, partida bietan markagailuak berdinduta joan ziren azken momentura arte.

Txapelketa amaitu eta gero, parte-hartzaileek eta antolatzaileek txokoan bazkaldu zuten, eta ondoren, mus txapelketagaz eta bertso saioagaz gozatu zuten.

Gauzak horrela, parte-hartzaileek eta antolatzaileek datorren urtean txapelketa antolatzen jarraitzeko asmoa erakutsi dute.